365 myndir

Árið 2010 ákvað ég að taka eina mynd á dag af syni mínum, honum Torfa sem var þá 2ja-3ja ára. Eftir árið bjó ég svo til þetta video að neðan en gerði líka stórt plakat með öllum myndunum og það hangir ennþá fyrir ofan rúmið hans.

Torfi 2010  | Guðrún Vald.s blog

Það er hægt að skoða það betur hér.

Þetta árið var svo komið að yngri syninum, honum Stíg, sem átti einmitt 3ja ára afmæli í sumar. Hann er búinn að vera ögn ósamvinnuþýðari við þetta verkefni en bróðir hans var, en það eru held ég ennþá fjölbreyttari myndir af honum fyrir vikið. Ég var að skoða myndirnar sem komnar eru og þótt hvorki árið né verkefnið sé búið stóðst ég ekki mátið að velja nokkrar myndir og skella í smá preview video af því sem koma skal.

Það er ótrúlega gaman að skoða þessar myndir og sjá breytingarnar og þroskann sem verður á bara einu ári.

 

P.s. ef einhver er með uppástungu að góðu lagi til að hafa undir nýja myndbandinu má endilega skilja eftir komment því ég er alveg hugmyndasnauð!

 

 

Tagged , , ,

Case Scenario símahulstur

Case scenario iphone cover white marble Pantone cover iphone Case scenario iphone cover black marbleCase Scenario Cover in White Marble | Guðrún Vald.s blog

Hafið þið skoðað hulstrin hjá Case Scenario?

Ég pantaði mér hvíta marmarann um daginn fyrir yndislega fallega og besta símann minn sem er aldrei lengra en nokkra sentímetra frá mér. Fyrir átti ég hulstur sem var einu sinni fallegt en liturinn í því var farinn að dofna og það var orðið sjúskað. Ég er mjög ánægð með þetta og það kostaði ekki nema 20€ og það var frí heimsending!

Það eru líka til þessi hleðslutæki hjá þeim sem mér finnst mjög flott.

Það er til fullt fallegt þarna svo endilega tékkið á því. :)

 

 

Tagged , , ,

Skrifborðið Hylur brátt í sölu

Hylur desk by Guðrún Vald.

Ég sýndi skrifborðið mitt, Hyl, á HönnunarMars síðastliðnum í Epal og margir eru búnir að vera að spurja hvenær það komi loksins í sölu. Síðan á Marsinum er búið að vera að fínpússa ýmis smáatriði, gera örlitlar breytingar til að auðvelda framleiðsluferlið og gera það enn betra, allt í frábæru samstarfi við þá hjá GKS, sem framleiða borðið. En það er ótrúlega mikil vinna sem liggur að baki einu svona húsgagni!

En núna sést loks fyrir endann á þessu öllu saman og fer að líða að því að boðið komist loksins í sölu. Ég hlakka ekkert smá til!

Í kjölfarið munu koma fleiri húsgögn í stíl við borðið, en meira af því seinna. :)

 

 

Tagged , , , , , , ,

Blurb ljósmyndabækur

Blurb ljósmyndabækur | Guðrún Vald.s blog

Mig langaði aðeins að skrifa um og sýna ykkur myndir af ljósmyndabókunum, eða albúmunum, sem ég hef látið prenta hjá Blurb.com. Ég ákvað nefninlega fyrir nokkru að prenta alltaf út ljósmyndabækur fyrir hvert ár í stað þess að prenta stakar myndir og setja þær í venjuleg albúm. Ég hef hingað til verið að vinna mig að nútímanum og hef pantað hjá þeim tvisvar og þá tvær bækur í einu, ákvað að byrja á 2009 því það var greinilega árið sem ég hætti að prenta út myndir reglulega. Svo ætla ég að vera dugleg og drífa mig í því að gera svona bók og panta í byrjun hvers nýs árs.

Ég las mér mikið til um hvar maður ætti að láta prenta fyrir sig bækur, en það var á flestum síðum sterklega mælt með Blurb svo ég ákvað að prófa og sé ekki eftir því. Á síðunni þeirra nær maður í forrit til að gera bækurnar, forritið heitir BookSmart og er mjög einfalt í notkun. Pappírinn hjá þeim er mjög fallegur og þykkur, en ég vel alltaf mattan pappír. Svo er hægt að velja um margar mismunandi stærðir, softcover og hardcover, mismunandi pappír og fleira til að gera bókina alveg eftir þínu höfði.

Það er svo gaman að skoða myndirnar sínar í svona fallegri bók og það er ekki síður skemmtilegt fyrir strákana en okkur foreldrana!

Mig langar að bjóða ykkur $20 afslátt af ykkar fyrstu bók hjá þeim með því að smella á þennan link og skrá ykkur:

Blurb afsláttur

Njótið vel. :)

Tagged , ,

Bókstafa banner

Ég er gjörsamlega sjúk  í alls konar bannera, eða garland eða veifur eða hvað sem maður á að kalla það. En ég kýs banner í þetta sinn. Ég er búin að vera með í maganum að gera mjög einfaldan þríhyrningsbanner úr svörtum kartonapappír fyrir afmæli eða bara til að skreyta aðeins heima hjá mér. Svo fann ég svona stafabanner í Urban Outfitters úti í Orlando um daginn og skellti í smá afmæliskveðju til sonarins, eins og sjá má á efstu myndinni. Hann átti reyndar afmæli á meðan við vorum úti en auðvitað þarf að halda smá veislu fyrir hann á Íslandi líka. Ég er svo með of margar hugmyndir og tilheyrandi valkvíða varðandi hvað ég á svo að gera við hann eftir afmælið. Mér dettur í hug að skreyta barnaherbergin með einhverjum vel völdum orðum eða eitthvað fallegt í svefnherbergið.

DIY Party Banner and Keilir candlestick by Gudrun Vald.Triangle bannerDIY Party BannerDIY Party Banner  DIY Party Banner DIY Party Banner

Sýning í Düsseldorf

Ég vil bara aðeins láta vita af mér og árétta að ég er alls ekki hætt að blogga hér en hef greinilega farið óvart í sumarfrí.

Í lok júní fór ég til Düsseldorf á sýningu ásamt æðislegum hópi íslenskra hönnuða, Þórunni Hannesdóttur (Færið), Bíbí (Bybibi) og Kristbjörgu Maríu. Við skemmtum okkur ótrúlega vel saman og hittum fullt af öðrum skemmtilegum skandinavískum hönnuðum. Ég mæli líka með Düsseldorf fyrir þá sem eru að leita sér að fallegri og kósý borg til að heimsækja.

Keilir, Gígur and Hellur by Guðrún Vald.Bland í poka af mínum vörum; Keilir, Gígur og Hellur.

Berg by FaeridBerg eftir Þórunni.

Fætur by Guðrún Vald.Rétt um uppsetningu o.fl.

Hotel BavariaHerbergislykillinn okkar.

Örk by Kristbjörg MaríaÖrk eftir Kristbjörgu Maríu.

BybibiFjölskylda eftir Bybibi.

Restin af sumrinu hefur svo farið í sumarbústaðarferð, útilegu í rigningu og bið eftir almennilegu sumri eins og hjá öðrum íslendingum.

 

Fallegar skreytingar

Núna er ég á fullu að undirbúa sýningu sem ég er að fara á með nokkrar af vörunum mínum í Þýskalandi í næstu viku og hef því ekki gefið mér tíma í mikið annað. En mig langaði samt aðeins að sýna ykkur smá hugmynd sem er búin að vera að ferðast um netið undanfarið, það er að festa afskorin blóm með límbandi á veggina. Ótrúlega skemmtileg hugmynd fyrir t.d. partý eða brúðkaup, endist væntanlega ekki mjög lengi en það skiptir svo sem engu þegar maður er bara að hugsa um part úr degi eða eina kvöldstund. Mér dettur í hug að það væri skemmtilegt að prófa þetta með fallegu lúpínunni sem er blómstrandi akkúrat núna gjörsamlega alls staðar! :)

Tape flowers to the wall | Guðrún Vald.s blog

Tagged ,

Alþjóðlegur dagur kleinuhringja!

…ok kannski ekki alþjóðlegur, en allavega í Ameríku, landi kleinuhringjanna!

Alþjóðlegur dagur kleinuhringja!

Ég vildi bara óska ykkur gleðilegs föstudags, og ekki bara hvaða föstudags sem er, því í dag er dagur kleinuhringjanna í Ameríku! Ef það er ekki tilefni til fagnaðarláta þá hvað?

Dagurinn er fastur liður í Bandaríkjunum, alltaf haldinn fyrsta föstudag í júní síðan 1938 til að heiðra menn og konur sem færðu særðum hermönnum kleinuhringi í fyrri heimsstyrjöldinni.

 

En þar sem ég er á leiðinni til Flórída í sumar ætla ég að bíða með að fá mér einn þangað til…og þá verður sko farið á Dunkin! :)

 

Góða helgi!

Follow

Get every new post delivered to your Inbox.

Join 452 other followers

%d bloggers like this: